TIRANË – Një ngjarje e pazakontë ka ndodhur ditën e djeshme në Tiranë, ku një 25-vjeçar ka hyrë në shtëpinë e fqinjit të tij dhe ka vjedhur një celularë he një shumë parash, ku gjithashtu ka dhunuar fqinjin 49 vjeçar. Pas kësaj ai ka marrë të dashurën e 49 vjeçarit me zor në banesën e tij ku më pas e ka përdhunuar.
NJOFTIMI I POLICISË
Specialistët për Hetimin e Krimeve të Komisariatit të Policisë Nr. 1 arrestuan shtetasin B. B., 35 vjeç, banues në Tiranë, pasi ka ushtruar dhunë ndaj babait të tij.
Specialistët për Hetimin e Krimeve të Komisariatit të Policisë Nr. 3 arrestuan shtetasin J. O., 25 vjeç, banues në Tiranë. 25-vjeçari ditën e djeshme ka shkuar në banesën e shtetasit A. B., 49 vjeç, (fqinji i tij), të cilit i ka vjedhur me dhunë një shumë parash dhe një aparat celular, si dhe ka marrë me forcë të dashurën e 49-vjeçarit, dhe pasi e ka dërguar në banesën e tij, ka kryer marrëdhënie seksuale me të, pa dëshirën e saj.
Gjithashtu, specialistët për Hetimin e Krimeve të Komisariatit të Policisë Nr. 3 arrestuan shtetasin D. K., 35 vjeç, banues në Tiranë, pasi ka ushtruar dhunë ndaj bashkëshortes së tij.
Specialistët për Hetimin e Krimeve të Komisariatit të Policisë Nr. 6 arrestuan shtetasin K. K., 26 vjeç, banues në Tiranë, pasi ka ushtruar dhunë ndaj babait të tij, si dhe gjatë shoqërimit në komisariat ka kundërshtuar me dhunë punonjësit e Policisë.
Specialistët e Qarkullimit Rrugor arrestuan shtetasin S. L., 46 vjeç, banues në Tiranë, pasi duke drejtuar në gjendje të dehur, mjetin tip “Fiat”, është përplasur me mjetin tip “Nissan”, me drejtuese shtetasen M. A., 31 vjeçe, dhe si pasojë janë dëmtuar lehtë shtetasja M. A., së bashku me dy fëmijët e saj të mitur.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
