ITALI– Tridhjetë e katër persona mes të cilëve dhe shqiptarë jënë arrestuar nga Policia italiane në kuadër të një operacioni antidrogë në zonën e Catanzaros. Mediat italiane shkruajnë se arrestuarit akuzohen për trafikim të lëndëve narkotike dhe vjedhje.
Grupi kriminal transportonte kokainë nga Shqipëria drejt Italisë nëpërmjet portit të Barit, dhe më pas e shisnin atë në zonat e Crotones, Catanzaros dhe komunat fqinje. Në kuadër të operacionit janë sekuestruar mbi 45 kilogramë drogë, si heroinë dhe mariuanë, 18 mijë euro cash, rreth 70 kilogramë kokainë dhe dy armë pa leje.
