POGRADEC– Një 36-vjeçar i identifikuar me inicialet E.K është arrestuar ditën e sotme ndërsa 7 të tjerë janë vënë në hetim si dhe 1 është shpallur në kërkim. Ishte një operacion i organizuar nga Policia e Pogradecit në kuadër të goditjes së aktivitiëti të paligjshëm të lojërave të fatit si dhe shitjes së lëndëve narkotike në këto biznese.
Lokali ndodhet në fshatin Çërravë të Pogradecit, dhe përdorej për të shitur e shpërndarë kokainë, ku gjithashtu ushtroheshin dhe lojëra të paligjshme të fatit. Në cilësinë eprovës materiale, janë sekuestruar 180 gamë lëndë e dyshuar narkotike kokainë, një peshore elektronike, një sasi parash, 6 pako me letra bixhozi dhe celularë që dyshohet se përdoreshin për ushtrimin e aktivitetit të lojërave të fatit.
Personat që janë vënë nën hetim janë: I. H., 22 vjeç, banues në fshatin Veliternë, Maliq; K. R., 34 vjeç, banues në Podgorie, Maliq; S. K., 27 vjeç, banues në Çërravë; A.Xh, 41 vjeç, banues në Leminot, Maliq; G. Ç., 34 vjeç, banues në Sovjan, Maliq; N. S., 44 vjeç, banues në Leminot dhe I. S., 48 vjeç, banues në Pogradec.
