TIRANË– Një 69-vjeçar i identifikuar me inicialet M.B është arrestuar këtë të hënë në Tiranë pasi pas një debati për motive të dobëta ka goditur me thikë një 48-vjeçare të identifikuar me inicialet V.A. Sipas Policisë gruaja ndodhet në spital nën kujdesin e mjekëve dhe jashtë rrezikut për jetën.
NJOFTIMI I POLICISË:
Specialistët për Hetimin e Krimeve të Komisariatit të Policisë Nr. 4 arrestuan shtetasin M. B., 69 vjeç, banues në Tiranë, pasi për motive të dobëta, ka goditur me mjet prerës shtetasen V. A., 48 vjeçe, e cila si pasojë është dëmtuar dhe ndodhet në spital, jashtë rrezikut për jetën.
