TIRANË– Akademia e Shencave ka njoftuar këtë të hënë se mandati i kreut të ASH Skënder Gjinushi dhe nënkryetarit ka përfunduar. Përmes një njoftimi për mediat Kryesia e Akademisë së Shkencave bën me dije se pas pushimeve do të caktojë datën e zgjedhjeve në konsultim me Asamblenë e ASh-së, ndërkohë që vazhdon kryerjen e funksioneve të saj konform ligjit.
NJOFTIMI I ASH-së:
Për sa i takon zhvillimit të zgjedhjeve të reja në Akademinë e Shkencave të Shqipërisë, për funksionin e Kryetarit dhe zëvendëskryetarit, ato do të zhvillohen konform Ligjit 53/2029 për Akademinë e Shkencave në Republikën e Shqipërisë dhe konkretisht, neni 8, pika 2: Zgjedhjet për anëtarët e rinj të Kryesisë zhvillohen gjithmonë në fund të vitit. Për këtë arsye, Kryesia e Akademisë së Shkencave të Shqipërisë, menjëherë pas pushimeve do të caktojë datën e zgjedhjeve në konsultim me Asamblenë e ASh-së, ndërkohë që vazhdon kryerjen e funksioneve të saj konform ligjit. Kryesia e Akademisë së Shkencave të Shqipërisë”
