TIRANË– Po zhvillohet me debate, diskutimeve të forta dhe përplasje dëgjesa e studentëve të mjekësisë në Komisionin e Edukimit ku po diskutohet projektligji i qeverisë që i detyron studentët të qëndrojnë dhe punojnë pesë vite në Shqipëri pas diplomimit ose përndryshe nuk do të mund të marrin dot diplomen. Kështu këtë të martë deputetja socialiste Lindita Buxheli në kushtet e relatores së projektligjit tha se ligji nuk është statik dhe se edhe mund që të ndryshojë me kalimin e kohës. Nga ana tjetër studenti i pranishëm u shpreh se qeveria nuk mund të bëjë eksperimente me ta.
Lindita Buxheli: Shpreh vlerësimet maksimale për ju dhe atë që përfaqësoni. Ua kuptoj mospërmbajtjen sot edhe për shkak të problemeve, mund të ishit më të rezervuar, por megjithatë sot u falet. Ju nuk po u hiqet asnjë e drejtë. Se e banalizoni, po na hiqet diploma…të lutem ëëë se iu dëgjova me shumë vëmendje. Nuk është statik ligji, do të shikohet dhe do të ndërhyjmë. Këtë ua thashë që në fillim. Me gjithë ato që ka brenda, ne për hir të interesit kombëtar dhe këtij momenti historik, ne do ta votojmë.
Studenti: Tani ju thoni që ne e kemi konsultuar. Në relacion thuhet se projektligji ka kaluar pa konsultim sepse është procedurë e përshpejtuar. Tani ta ndajmë? Ose është konsultuar, ose jo. Kur flisni këto janë fjali zyrtare. Diskutojeni mes jush dhe më pas flasim. Ligji nuk është statik. Nuk mund ta hidhni si tezë që të bëjmë eksperiment. Për ju mund të jetë eksperiment më shumë, për ne është çështje jete. Ne meritojmë më shumë se kaq. Nuk mund të na trajtoni në këtë lloj mënyre. Ne kemi investuar gjithë jetën në këtë fushë që të meritojmë këtë lloj trajtimi.
