TIRANË– Gjykata e Posaçme Kundër Korrupsionit dhe Krimit të Organizuar (GJKKO) ka pranuar këtë të martë vendosjen e sekuestros për 4 apartamente, që dyshohet se kanë qenë në pronësi të ish-numrit dy të qeverisë Arben Ahmetajt, por ky i fundit i ka shitur në mënyrë fiktive.
Ndërkohë gjatë ditës së sotme agjentët e Byrosë Kombëtare të Hetimit (BKH) kanë “zbarkuar” në pronat e familjarëve të ish-zëvendëskryeministrit Arben Ahmetaj në zonën e Liqenit Artificial në Tiranë dhe në Gjirin e Lalzit. Sipas informacione nuk kanë zbuluar asgjë me vlerë që çon në zbardhjen e hetimit për inceneratorët.
