SHKODËR- Ministri Taulant Balla ditën e sotme ka nisur turin e takimeve në qytetin e Shkodrës ku ka zhvilluar një takim posacërisht me strukturat drejtuese të Drejtorisë Vendore të Policisë Shkodër. “Na duhet vëmendje e shtuar ndaj fenomenit të ndërtimeve pa leje në qendrat urbane e ato turistike. Nuk duhet të ketë asnjë tolerim”, tha ministri Balla.
Ai gjithashtu ka kërkuar prej policisë të merret cdo masë e nevojshme, për mbarëvajtjen e sezonit turistik, të intensifikohet puna për goditjen e grupeve kriminale dhe pastrimin e alpeve e zonave të thella, nga kultivimi i lëndëve narkotike.
