BRITANI-Është zbuluar arsyeja e vdekjes së 24-vjeçarit Mariglen Ruçi në Britani. I riu nga Berati mësohet të ketë vdekur si pasojë e asfiksisë pasi ‘shtëpia e barit‘ ku ai punonte u përfshi nga flakët.
Trupi i tij i pajetë u gjet brenda banesës, ndërsa për ngjarjen është arrestuar një 44-vjeçari i akuzuar për incidentin që mund të ketë shkaktuar zjarrin. Fqinjët kanë dhënë dëshminë e tyre mbi ngjarjen, duke e cilësuar si diçka të tmerrshme, pasi e gjithë banesa ishte përfshirë nga flakët gjatë orëve të para të mëngjesit.
I riu kishte emigruar në Britaninë e Madhe për një jetë më të mirë. Ai ishte diplomuar në Univeristetin e Sporteve. Në pamundësi për të gjetur njjë vend punësimi ai mori rrugën drejt Britanisë së Madhe por që fatkeqësisht ëndrra britanike i kushtoi jetën.
