Një udhëtim në plazh nuk mund të jetë i plotë pa ushqim dhe pije, por disa ushqime nuk janë të përshtatshme për kohën e kaluar në diell.
Verë e Bardhë
Edhe pse është më e pijshme dhe freskuese se e kuqja, mund të jetë një ide e mirë ta anashkaloni ndërsa jeni në plazh. Studimet e fundit sugjerojnë se pirja e disa llojeve të alkoolit, veçanërisht verës së bardhë, mund të rrisë shanset për të marrë melanoma dhe lloje të tjera të kancerit të lëkurës.
Përkatësisht, ky lloj alkooli largon antioksidantët dhe vitaminat esenciale që ju ndihmojnë të përballoni rrezet e dëmshme të diellit.
Mish viçi
Sigurisht, vera dhe hamburgerët shkojnë së bashku, por nëse e hani në plazh, mund të jetë edhe më nxehtë. Hulumtimet tregojnë se përmbajtja e lartë e proteinave dhe yndyrave që gjenden në mish viçi vështirëson tretjen, kështu që trupi duhet të shpenzojë më shumë energji. Rezultati është një rritje e papritur e temperaturës së trupit, e cila mund ta bëjë vapën e verës edhe më të padurueshme.
Patate të skuqura
Sigurisht, çdo patate e skuqur është e vështirë të lihet mënjanë, sepse ato shpesh shkaktojnë varësi. Kompozimet e çipave janë kryesisht të dizajnuara posaçërisht në mënyrë që asnjë shije të mos e mposhtë tjetrën. Dhe kur ushqimi nuk ka një shije dominuese, njerëzit e kanë më të vështirë të ndihen të ngopur dhe për këtë arsye konsumojnë më shumë nga ai ushqim, thonë studiuesit.
Kafe
Ka një kohë dhe një vend për kafen tuaj, dhe plazhi nuk është ai vend, thonë ekspertët. Së pari, kafeja vepron si diuretik, që do të thotë se duke e konsumuar, trupi juaj do të nxjerrë më shumë kripë dhe ujë, duke ju dehidratuar më shpejt.
Gjithashtu, sipas një studimi, kafja u zbulua se stimulon lirimin e gastrinës, e cila mund t’ju bëjë të dëshironi të bëni jashtëqitje dhe plazhi nuk është vendi ku dëshironi që kjo të ndodhë.
