KOLUMBI– Të paktën tetë persona kanë humbur jetën nga rrëshqitja e dheut që ndodhi në Cudinamarca në juglindje të Kolumbisë, ku nuk dihet fati i 11 personave të tjerë.
Kolonel Jorge Dias, komandant i shërbimit rajonal të mbrojtjes civile, sqaroi se mes viktimave është një fëmijë, gjashtë të plagosur janë shtruar në spital dhe rreth 20 shtëpi janë shkatërruar. “Nuk është e mundur të përcaktohet numri i saktë i personave të zhdukur, por ne vlerësojmë se është njëmbëdhjetë (…) Ne po përpiqemi të identifikojmë banorët e 20 shtëpive të shkatërruara,” tha ai.
