DIBËR- Një 29-vjeçar i identifikuar me inicialet E.SH është vënë në prangat e bluve të Dibrës pasi kishte thyer masën e arrestit të shtëpisë dhënë më parë nga Gjykata. Ai u arrestua në flagrancë duke i dhënë makinës.
Mësohet se i riu ishte arrestuar më parë për vepren penale të dhunës në familje, dënim të cilin supozohej ta kryente në masën e arrestit të shtëpisë.
Njoftimi i policisë Dibër:
Theu masën e sigurisë “Arrest në shtëpi”, kapet dhe vihet në pranga 29-vjeçari. Specialistët për Hetimin e Krimeve të Komisariatit të Policisë Dibër arrestuan në flagrancë shtetasin E. Sh., 29 vjeç, banues në Dibër, pasi është kapur në flagrancë nga shërbimet e Policisë, duke qarkulluar me automjetin e tij, në kundërshtim me vendimin e Gjykatës, e cila i kishte caktuar masën e sigurisë “Arrest në shtëpi”, për veprën penale “Dhuna në familje”.
