Fredi Beleri, kryebashkiaku i zgjedhur i Himarës por që nuk ka mundur të shkojë asnjë ditë të vetme në zyrë pasi qëndron në burg me urdhër të Prokurorisë së Posaçme Kundër Korruopsionit dhe Krimit të Organizuar pritet që të zhvillojë dhe “betejën” e tij të fundit me drejtësinë ku kërkon lirinë. Fredi Beleri u arrestua nga Policia e Vlorës një natë para zgjedhjeve vendore të 14 majit nën akuzën e “Korrupsionit aktiv në zgjedhje”. Çështja i kaloi për hetim Prokurorisë së Posaçme Kundër Korrupsionit dhe Krimit të Organizuar (SPAK). Pak ditë më parë Gjykata e Posaçme i caktoi masën e arrestit me burg ndërsa Komisioni Qëndror i Zgjedhjeve i dha mandatin e kryebashkiakut.
Pas rrëzimit të kërkesës së tij për lirim nga burgu nga ana e Apelit tëe Posaçëm tashmë avokatët e Fredi Belerit i janë drejtuar Gjykatës së Lartë, vendimi i të cilës do të jetë dhe përfundmitar sa i përket kërkesës s tij. Këtë të mërkurë është bërë me dije se Gjykata e Lartë ka vendosur që kërkesën e kryebashkiakut të zgjedhur ta zhvillojë më 25 korrik.
Arrestimi dhe mbajtja në burg e Fredi Belerit ka qenë ka qenë dhe një “mollë sherri” mes Greqisë dhe Shqipërisë sa i përkte raporteve diplomatike, të cilat së fundmi ka qenë të tensionuara dhe me Fredi Belerin si objekt kryesor bisede në takimet diplomatike dhe jo zyrtare. Ambasadorja e Greqisë në Shqipëri vijonj të përsërisë qëndrimet e saj për lirimin e Belerit, të cilit Komisoni Qëndror i ka dhënë mandaton por ai ende nuk është betuar në Këshillin Bashkiak siç dhe e do procedura ligjore e marrjes së detyrës.
Më herët Ministri i Jashtëm grek Nikos Dendias ka “kërcënuar” vendin tonë sa i përket raporteve mes vendeve në arenën Europianë madje me veto për anëatrësimin e Shqipërisë në Bashkimin Europian. Dhe kryeministri grek Kyriakos Mitsotakis ka kërkuar lirimin e Belerit. Dhë në takimin e fundit të zhvilluar me kryeministrin Edi Rama u raportua se biseda e tyre është fokusuar tek lirimin e Belerit. Por pretendimeve të Greqisë u është përgjigjur ministrja e Jashtme Olta Xhaçka. Sipas saj Athina zyrtare nuk duhet të ndërhyë në punët e brendshme të Shqipërisë.
Deri më tani Fredi Beleri nuk i ka pranuar kurrë akuzat ndaj tij. Prokuroria e Posaçme shprehet se ka prova të forta por deri më tani asgjë nuk është bërë publike. Sipas drejtësisë Beleri u arrestua në kushtet e flagrancës duke blerë vota. Pritet që vendimi i Gjykastës së Lartë të vërë pikat mbi (i) në lidhje me kërkesat e Belerit për lirimin nga burgu. A do të betohet dhe kur do të betohet si kryebashkiak Fredi Beleri kjo mbetet për t’u parë. Një gjë eshtë e sigurt që ai i trazoi sërish ujërat diplomatikë mes dy vendeve./Newszone
