TIRANË– Kryetari i Partisë Demokratike Sali Berisha tha se sulmi ndaj tij ka si porositës kreun e qeverisë Edi Rama. Sipas tij kjo u bë me qëllim që të goditetj PD dhe opozita shqiptare. Duke folur nga mbledhja e Kryesisë kryedemokrati tha se e ka falur sulmuesin e tij Gerti Shehu por shtoi se nuk ka falur tentativën për eliminimin e PD-së. Ai tha gjithashtu se PD është sot lokomotivë e lirisë, ku sipas tij brenda 1 viti kjo forcë politike ka realizuar disa procese për rikthimin e votës së lirë tek antarësia.
Sali Berisha: Gerti Shehu, me të gjitha evidencat, është informator i policisë kriminale. Çshtë aq i dezukilibruar saqë ka marrë raport dhe dëshmi për shëndetin mendor dhe fizik dhe ka marrë patentën. Është aq i disekulibruar saqë ka marrë kredi nëpër banka. Sikur në minimum të ishte duarjashtë, çdo njeri do të bënte çdo përpjekje për ta qartësuar atë. Ai ishte atentat ndaj çdo demokrati. Synonte të godiste rëndë opozitën, duke tentuar të reduktojë në hiç opozitën shqiptare. Në komunikatat e tyre shprehet vetëm hipokrizi. Të gjitha të shkruara nga zyra e Fugës, zyra e Edi Ramës. Merrni pak, kush po mbron kriminelin. Kë i kanë dërguar për mbrojtje. Të gjitha variantet që paraqiten për mbrojtje, janë aq qesharake, saqë faktojnë se ai ishte i porositur dhe i paguar. Unë e kam falur atë, por nuk fal që Edi Rama kërkon të zhdukë PD-në. Askush nuk pranon t’i dorëzojë një njeriu të egër forcën kryesore opozitare. Ne nga 11 dhjetori e der më sot jemi angazhuar në një nga proceset më demokratikë që ka njohur vendi ndonjëherë. Përpjekje nga më të turpshmet e më kriminalet u bënë që ky tren lirie të ndalonte. Faktikisht sot PD është lokomotivë e lirisë në këtë vend. Kjo nuk u ndalua dot.
