LEZHË– Detaje të reja janë zbardhur në lidhje me atentatin që tronditi një ditë më parë Lezhën ku Nkolin Marku Lestakaj u ekzekutua me shtatë plumba në derën e një marketi ku kishte shkuar për të marrë një pije freskuese. Vëllai i viktimës ka deklaruar para heturesve se sapo ishte kthyer nga Tirana dhe ka qenë duke qëndruar në shtëpi me nënën e tij në momentin që Nikolini i ka marrë makinën për të shkuar për të blerë diçka. Pak minuta më vonë thotë ai “dëgjuam kriisma por nuk mendova se është qëlluar vëllai im“. Por pak pas krismave ai ishte lajmëruar se i kanë vrarë vëllanë.
Ngjarja e rëndë është regjistruar një ditë më parë në orën 18:30 në një market në zonën e fshatin Balldre në Lezhë. Nikolin Marku Lestakaj kishte marrë makinën e të vëllait për të blerë një pije freskuese në market kur pasi doli prej aty u përball me një breshëri plumbash të lëshuar drejt tij, të cilët i shkaktuan vdekjen e menjëhershme. Ai kishte pak kohë që ishte kthyer nga Britania e Madhe ku jetonte prej vitesh. Me kthimin nga athe ai bënte lëvizje të kufizuara. Deri më tani Policia e Lezhës dyshon se kemi të bëjmë me një hakmarrje të fisit Nikulaj. Ngjarja u regjistrua tre muaj pasi u vra Ardian Nikulaj në Lezhë. Hasmëria mes dy fiseve vijon prej shumë vitesh ku shumë burra janë vrarë.
