TIRANË– Studentët e mjekësisë janë mbledhur këtë të enjte para parlamentit për të kundërshtuar projektligjin e qeverisë që i detyron të qëndrojnë në Shqipëri 5 vite pas diplomimit për të punuar në sistemin shëndetësor shqiptar ose në të kundërt nuk do të mund të marrin diplomën. Kjo protestë vjen në një kohë kur Kuvendi do të mbajë sot seancën e fundit plenare për këtë sesion parlamentar e ku në rend të ditës do të jetë dhe ky projektligj.
“Parlamentit i bëjmë thirrje; ne studentët duam zgjidhje, nuk pranojmë në internim Koston e mban veç prindi im. Mos u dehni nga marria,lini të vendosë drejtësia!Nuk kam borxhe për të larë,s’jam i ulët e as tradhtar Nuk do të ngrihem për të ikur, por për shpresën që na keni fikur!”
