TIRANË– Gjykata e Tiranës ka pushuar këtë të enjte çështjen ndaj Gerti Shehut, 31-vjeçarit që goditi me grusht në fytyrë kreun e Partisë Demokratike Sali Berisha në protetsën e 6 dhjetorit. Shkak është bërë papërgjegjshmëria mendore e 31 vjeçarit. Gjithashtu gjykata ka urdhëruar caktimin e masës mjekim të detyruar në një institucion mjekësor.
Gerti Shehu goditi me grusht kreun e Partisë Demokratike Sali Berisha më protestën e 6 dhjetorit. Ai u fut mes turmës dhe në një moment u afrua me shpejtësi dhe godtit Berishën. Si pasojë e sulmit kryedemokrati ra përtokë dhe u ngrit i gjakosur në fytyrë dhe me sy të nxirë. Shehu u neutralizua nga truprojat dhe protestuesit në shesh. Më pas ai u arrestua nga Policia. Sipas Policisë ai është person me skedë të pasur kriminale pasi është akuzuar më parë për plagosje, prishje të qetësisë publike dhe trafikim të lëndëve narkotike. Atij iu komunikua masa e arrestit me burg ditën e sotme në Spitalin e Traumës ku ndodhet për të marrë mjekim pasi pas incidentit u dhunua nga protestuesit.
