SARANDË– Një 46-vjeçar i identifikuar me inicialet J.K është arrestuar këtë të enjte nga Policia e Sarandës pasi akuzohet për vjedhje. Përmes një njoftimi për mediat blutë e qytetit brehdetar bëjnë me dije se 46-vjeçari u kap në tentativë për të vjedhur në një hotel. Në cilësinë e provës materiale u sekuestruan 3 televizorët dhe mjetet e përdorura nga autori për të kryer vjedhjen
NJOFTIMI I POLICISË:
Policia e Sarandës, e angazhuar për garantimin e rendit dhe sigurisë gjatë sezonit tutristik. Shërbimet e Policisë, gjatë patrullimit në zonat bregdetare, falë bashkëpunimit me qytetarët, kanë parandaluar një rast vjedhjeve në një hotel në Livadhja. Vihet në pranga 46-vjeçari që u kap në flagrancë nga shërbimet e Policisë, në mesnatë, duke vjedhur 3 televizorë dhe sende personale të pushuesve, në hotel. Sekuestrohen 3 televizorët dhe mjetet e përdorura nga autori për të kryer vjedhjen. Shërbimet e Komisariatit të Policisë Sarandë, në zbatim të planit të masave për garantimin e rendit dhe sigurisë gjatë sezonit turistik, gjatë patrullimit në zonat bregdetare, falë bashkëpunimit me qytetarët e zonës, kanë parandaluar një rast vjedhjeve në një hotel në Livadhja. Falë ndërhyrjes së Policisë, është kapur në flagrancë, në mesnatë, shtetasi J. K., duke vjedhur në hotel, 3 televizorë dhe sende personale të turistëve të akomoduar në këtë hotel. Në vijim të veprimeve, u bë arrestimi në flagrancë i shtetasit J. K., 46 vjeç, banues në Sarandë. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme. Policia e Shtetit falenderon qytetarët për bashkëpunimin dhe i fton sërisht ata, që të denoncojnë në numrin pa pagesë 112, çdo rast paligjshmërie, duke iu garantuar reagim të shpejtë, në bazë të ligjit.
