TIRANË– Pavarësisht se Kuvendi po ‘’vlon’’ nga debatet politike dhe opozita kërkon prezencën e tij në sallë, kryeministri Edi Rama reagon për tensionet në veri të Kosovës në rrjetet sociale. Referuar takimit të fundit mes përfaqësuesve të Kosovës dhe Serbisë me të dërguarin e posaçëm të Bashkimit Europian për dialogun mes vendeve shprehet se është koha që BE të veprojë me vendosmëri. Sipas Ramës rajoni nuk mund të bëhet peng i një krize të pafund mes Kosovës dhe Serbisë.
Edi Rama: BE-ja duhet të veprojë me vendosmëri për të siguruar një zbatim të shpejtë të Marrëveshjes Themelore. Rajoni ynë nuk mund të bëhet peng i një krize të pafund mes Kosovës dhe Serbisë. Nuk mund të lejojmë që as Kosova Veriore, ku kufiri mes krimit të organizuar dhe politikës vendore është i paqartë, të bëhet një Donbas i vogël nga mosngritjet e nxitura nga Rusia dhe as Dialogu të bëhet një lojë fajësimi të Ballkanit të Vjetër, nga mungesa e një vullneti real dhe të fortë të palëve të përfshira në të! Diskutimet janë të mira, por ajo që i nevojitet rajonit është një përparim para se të jetë tepër vonë.
