TIRANË– Deputeti i Partisë Demokratike Dashnor Sula është zotuar këtë të enjte që jep dorëheqjen nëse nëse inceneratori i Elbasanit ka punuar pas 14 majit. Gjatë fjalës së tij ai akuzoi qeverinë për korrupsion masiv dhe se përdor forcën e kartonit për të plotësuar gjithçka që ka në mendje.
Dashnor Sula: Keni dy vite si maxhorancë që përdorni forcën e kartonëve vetëm për të plotësuar gjithçka keni në mendje. Çfarë duhet të ndodhë më shumë në këtë vend se sa rasti i fundit i inceneratorëve. Ju i keni qeshur, tallur, intimiduar të gjithë opozitën që denoncoi me prova e fakte aferën e inceneratorëve. problemi i inceneratorëve nuk është thjesht i Ahmetajt, është një skemë e pastër korrupsioni. Kjo skemë e pastër e korrupsionit është e qartë. Pyeta është e drejtpërdrejt, ju sfidoj ju nëse inceneratori i Elbasanit punoi pas 14 majit, jap dorëheqjen. Punoi vetëm 2 javë para zgjedhjeve për t’iu hedhur hi syve qytetarëve. A vlen kjo serrë me plastmas tek inceneratori i Tiranës i financuar 310 mijë euro. këto janë të vërtetat të cilat nuk i lejoni dhe nuk lejoni procedurën për të ardhur këtu kryeministri për të dhënë shpjegime.
