TIRANË– Deputeti i Partisë Demokratike Gazment Bardhi ka vijuar sërish me kërkesën e tij që kryeministri Edi Rama të jetë i pranishëm në Kuvend për të dhënë llogari për aferën e inceneratorëve dhe arratisjen e ish-zëvendëskryeministrit Arben Ahmetaj. Sipas Bardhit ky i fundit këtë të enjte ka marrë 200 mijë lekë të rinj rrogë pavarësisht se është arratisur jashtë vendit.
Gazment Bardhi: S’ka asnjë nevojë për prezencë të Gardës në seancat plenare. Vetëm në një dosje ka dalë gjysma e qeverisë dhe e grupit tuaj parlamentar. Kemi dy orë që diskutojmë për një kërkesë procedurale. Çfarë nevoje ka kryeministri që të fshihet pas Elisës, Oltës, Ogertës, apo ministrave me radhë. Pse duhet të fshihet pas ministrave, pse duhet të fshihet pas kolegëve të tyre. Një pyetje i kemi bërë; ku fshihet zëvendësi i tij. Si ka mundësi? Kemi 3 njerëz në arrati. Sot Ahmetaj ka marrë rrogën. Ai ka marrë rrogën, merr 200 mijë lekë nga arratia. Kemi dy mafiozet në kërkim që marrim 80 mijë euro në ditë. Ai do vijë të japë llogari, këtu dhe merret me BE-në. BE e kapi dje në vjedhje. Ku vetëm sa ka prishur punë për Kosovën.
