TIRANË– Katër persona kanë rënë në prangat e Policisë së Tiranës këtë të enjte pasi akuzohen për vepra të ndryshme penale. Përmes një njoftimi për mediat blutë e kryeqytetit bëjnë me dije se ata akuzohen për dhunë në familje dhe shkjelje të rregullave të qarkullimit rrugor.
NJOFTIMI I POLICISË:
Specialistët për Hetimin e Krimeve të Komisariatit të Policisë Nr. 4 arrestuan:
– P. M., 51 vjeç, banues në Tiranë, pasi ka ushtruar ndaj djalit dhe bashkëshortes së tij;
– A. V., 46 vjeç, banues në Zall Bastar, pasi ditën e djeshme, gjatë një konflikti për motive të dobëta, ka goditur me grushte dhe me dorezë metalike, kushëririn e tij, shtetasin B. V., 55 vjeç, banues në Zall Bastar.
Specialistët për Hetimin e Krimeve të Komisariatit të Policisë Krujë arrestuan shterasin P. Sh., 26 vjeç, banues në Thumanë, Krujë, pasi u kap duke drejtuar automjetin në gjendje të dehur, si dhe nuk i është bindur urdhrave të punonjësve të Policisë së Qarkullimit Rrugor.
Specialistët e Qarkullimit Rrugor arrestuan shtetasin B. M., 31 vjeç, banues në Vlorë, pasi u kap duke drejtuar automjetin, pa leje drejtimi.
Në Komisariatin e Policisë Nr. 5 është paraqitur dhe ka bërë kallëzim shtetasi Sh. A., 65 vjeç, banues në Valias i Ri, Kamëz, i cili ka kallëzuar se është larguar nga banesa vajza e tij, shtetasja A. A., 30 vjeçe. Punohet për gjetjen e saj. Materialet i kaluan Prokurorisë Tiranë, për veprime të mëtejshme procedurale.
