TIRANË– Kryetari i Partisë Demokratike Sali Berisha ka bërë një deklaratë të fortë këtë të enjte në Kuvend ku ka akuzuar ministra të qeverisë për lidhje me krimin. Sipas tij ministra të qeverisë por pa përmendur emra kishin telefonata të regjistruara me krimin në ECC dhe SKY.
Sali Berisha: Dilni shumë keq! Nuk është sekret po iu them se nga 18 mijë shqiptarë që kanë ECC dhe Encrochat, 90% i përkasin Partisë së Krimit. Ju mos u çuditni, por përqëndrimi më i lartë në Shqipëri i kësaj…ku gjendet në ndërtesën e Këshillit të Ministrave. A ka gjë më të turpshme se në KM, të funksionojë numri më i dendur i mbi 9 mijë SKY dhe ECC se nga 7-8 mijë janë jashtë. Unë dua t’u them ju këtu se ju dilni, jo të gjithë sigurisht, dilni tmerrësisht të lidhur me krimit. Ku janë? Ia mbathën se dinin. Gjenden të lidhur me banditë kryesore, duke bërë porosi. I bëj thirrje Komisionit Europian, Europolit, u bëj thirrje partnerëve tanë; Zbërtheni plotësisht përmbajtjen e tmerrshme të zyrtarëve me bandat e krimit në Shqipëri dhe Europë.
