LEZHË- Pasditen e sotme, në Lezhë, është gjetur një automjet i djegur i tipit “BENZ”, cka dyshohet se ka lidhje me atentatin e djeshëm që iu bë Nikolin Lekstakajt. Gjatë kontrollit të bërë në automjet është gjetur dhe një armë, cka i rrit më shumë dyshimet se ka lidhje me atentatin e djeshëm.
Ngjarja e rëndë është regjistruar një ditë më parë në orën 18:30 në një market në zonën e fshatin Balldre në Lezhë. Nikolin Marku Lestakaj kishte marrë makinën e të vëllait për të blerë një pije freskuese në market kur pasi doli prej aty u përball me një breshëri plumbash të lëshuar drejt tij, të cilët i shkaktuan vdekjen e menjëhershme. Ai kishte pak kohë që ishte kthyer nga Britania e Madhe ku jetonte prej vitesh. Me kthimin nga athe ai bënte lëvizje të kufizuara. Deri më tani Policia e Lezhës dyshon se kemi të bëjmë me një hakmarrje të fisit Nikulaj. Ngjarja u regjistrua tre muaj pasi u vra Ardian Nikulaj në Lezhë. Hasmëria mes dy fiseve vijon prej shumë vitesh ku shumë burra janë vrarë.
