SKRAPAR– Një ngjarje e rëndë është regjistruar gjatë mbrëmjes në Qafën e Dëvrisë, Skrapar ku një person me origjinë turke ka mbetur i vdekur në një kantier ndërtimi ku nxirren pllaka mermeri.
Raportohet Osman Akçay, 60 vjeç ishte duke punuar kur çisterna me ujë e njërit prej kamionëve të firmës është shkëputur gjatë ngjitjes së mjetit në zonë malore dhe e ka zënë poshtë.
Fatkeqësisht ai ka gjetur vdekjen e menjëhershme ndërsa trupi është dërguar drejt Mjekësisë Ligjore në Tiranë ku do të kryhet autopsia. Policia e Beratit ka ngritur një grup hetimor, i cili po punon për zbardhjen e plotë të ngjarjes.
