TIRANË– Një drejtuesi mjeti i është pezulluar leja e drejtimi si dhe është gjobitur pasi u kap duke udhëtuar me shpejtësi ‘skëterrë” prej 230 km/h në tunelin e Kalimashit. Ndërkohë Policia ka përsëritur apelin për drejtuesit e mjeteve që të respektojnë rregullat e qarkullimit rrugor.
NJOFTIMI I POLICISË:
Udhëtoni me jetën në mendje, mbroni jetën dhe shëndetin tuaj dhe të përdoruesve të tjerë të rrugës, duke respektuar rregullat e qarkullimit rrugor! Kontribuoni të gjithë për sigurinë rrugore! Poliscan-i konstaton shpejtësi 194 km/h në tunelin e Krrabës, në rrugën interurbane Tiranë – Elbasan. Shpejtësi deri në 230 km/h po në rrugën interurbane Tiranë-Elbasan. stop shpejtësisë tej normave të lejuara, shpejtësia në rrugë vret jetën. Respektoni sinjalistikën rrugore, udhëtoni me shpejtësi brenda limiteve të lejuara, që mbërritja në destinacion të jetë e sigurtë!Mos drejtoni mjetin, në efektin e alkoolit apo në gjendje të dehur! Alkooli mpin trurin dhe vret jetën.Vendosni rripin e sigurimit dhe mos përdorni celularin gjatë drejtimit të mjetit!Në çdo aks rrugor dhe në qendrat urbane ka makina inteligjente dhe radarë automatikë.Nëse konsumon pije alkoolike gjatë fundjavës, mos drejto automjetin, por përdor mjetet e transportit publik!Hiq celularin nga dora! Shto vigjilencën!Përqendrohu në timon! Familja ka nevojë për ty! Policia qendron në rrugë për të të këshilluar dhe për të të ndihmuar. Qëllimi i vetëm i Policisë Rrugore, mbrojtja e jetës dhe e shëndetit të përdoruesve të rrugës.
