ITALI– Një ngjarje e rëndë është regjistruar pasditën e kësaj të diele në Padova të Italisë ku një shqiptar është vrarë me thikë ndërsa dy të tjerë janë plagosur. Raportohet se ngjarja ka ndodhur në rrugën Dorighello, brenda një lagjeje në periferi të qytetit.
Identiteti i viktimës dhe të plagosurve nuk janë bërë ende me dije. Këta të fundit janë dërguar në spital në gjendje të rëndë. Policia ka mbërritur menjëherë në vendin e ngjarjes.
Sipas mediave italiane viktima është gjetur në korridorin e pallatit ku banonte. Mendohet se vrasja ka ndodhur pas një sherri që ka ndodhur në një apartament.
