FIER– Ministri i Brendshëm Taulant Balla ka inspektuar nga afër vatrat e zjarrit në Peshtan të Fierit, të cilat janë aktive që prej tri ditësh. Ndërsa sot ato morën përmasa të mëdha dhe për shkak të erës. Nga Peshtani Balla tha se aktualisht përveç Fierit ka dhe një situatë të vështirë zjarri edhe në Vlorë.
Taulant Balla: Po ndjekim situatën e vatrave të zjarrit në disa qarqe të Shqipërisë. Aktualisht përveç Fierit ku jam aktualisht, kemi një situatë të vështirë edhe në Vlorë. Në Fier kemi ndërhyrë gjatë ditës edhe nga ajri përmes helikopterit. Kemi ndaluar personin që dyshohet se ka shkaktuar zjarrin. Zjarrvënia është vepër penale dhe do të kërkojmë ndëshkim ekzemplar për këdo.
