VLORË– Detaje të reja janë zbardhur nga tragjedia në fshatin Resulaj të Selenicës ku burrë e grua, Eqerem dhe Mynyre Zykaj gjetën vdekjen pasi ranë në kontakt me energjinë elektrike teksa punonin bahçen.
Sipas deklaratës së një të afërme të tyre çifti e ka patur telin e korrentit të këputur prej së shtunës dhe nuk kishin marrë masat, por e kanë neglizhuar këtë gjë.
Fqinja: Është këputur teli që dje, iu thashë merr elektriçistin se do të zejë korenti. Nuk di gjë tjetër, dje kam ardhur në orën 12. Sot u nisa, shkonim ditë për ditë te njëra-tjetra, më tha do vij sot dhe nuk erdhi. Një grua dhe një burrë në punën e tyre, të vdesin nga korenti, nuk e di, kjo lagja jonë është e vdekur. Ne vuajmë për drita, pa rrugë, pa ujë, pa drita. Kemi qenë 3 ditë pa drita, kemi marrë në telefon, e lidhim me alumin atë, një masë të bëjë, këputet. Ne çdo ditë jemi pa drita.
