GREQI– Ishulli i Korfuzit është përfshirë nga flakë masive, të cilat të favorizuara dhe nga temperaturat e larta dhe era janë përhapur me shpejtësi duke marrë përmasa të mëdha.
Në vendngjarje ndodhen forcat zjarrfikëse dhe mbrojtja civile e Bashkisë së Korfuzit të Veriut, të cilat po bëjnë përpjekje për shuarjen e flakëve. Mediat greke raportojnë se po punohet për të evakuuar vendbanimet Santa, Megoula, Porta, Palea Perithia dhe Sinies drejt Kassiopit.
Ndërkohë në vendin e ngjarjes po operojnë 36 forca zjarrfikëse, me dy grupe këmbësorie, 12 automjete, ndërsa më herët kanë ndihmuar dy avionë dhe një helikopter.
