TIRANË– Kryeministri Edi Rama ka reaguar pas ankimit të bërë nga Shoqata e Ndërtuesve në Gjykatën Kushtetuese po shembjen e ndërtimeve. Në një postim në rrjetet sociale kreu i qeverisë shprehet me ironi se dhe në Hagë apo hënë të shkojnë pallatet pa leje do të shemben. Në fund ai i bën thirrje dhe Gjykatës Kushtetuese që të jetë e drejtë në këtë vendim e sipas tij të ‘mos lajthisë’.
“Shoqata e Ndërtuesve qenka ankuar në Gjykatën Kushtetuese pse po goditen rëndë pallatet me shkelje të lejeve të ndërtimit! Le të shkojnë edhe në Hagë ose në hënë po të duan, po pallatet me shkelje do prishen ose do konfiskohen për interes publik prandaj uroj që Gjykata Kushtetuese të mos lajthisë”, shkruan Rama.
