SHKODËR– Shpërthim me tritol në Shkodër. Raportohet se një person ende i paidentifikuar ka hedhur një sasi të vogël lënde plasëse në drejtim të banesës së 52-vjeçarit Sokol Shpendi në lagjen “Tomë Kola”. Ky i fundit është pronar i hotel “Shkodra”. Fatmirësisht nuk ka të lënduar. Nga shpërthimi është dëmtuar vetëm një pjesë e portës së jashtme të banesës. Policia ka nisur hetimet, po punohet për identifikimin dhe kapjen e autorit.
NJOFTIMI I POLICISË:
Shkodër/Informacion paraprak. Rreth orës 03:45, në portën e jashtme të banesës së shtetasit S. Sh. 52 vjeç, në lagjen “Tomë Kola”, është hedhur një sasi e vogël lënde plasëse. Si pasojë është dëmtuar vetëm një cep i portës së jashtme të banesës. Grupi hetimor ndodhet në vendngjarje dhe vijon punën për identifikimin dhe kapjen e autorit.
