TIRANË–Një 29-vjeçar i identifikuar me inicialet E.P është arrestuar këtë të martë nga Policia e Tiranës pasi ka dhunuar motrën e tij si dhe kishte thyer orenditë e shtëpisë. Por nuk u mjaftua me kaq, gjatë shoqërimit në Komisariat i riu ka dëmtuar kamerën e dhomës së shoqërimit dhe tabelat identifikuese.
NJOFTIMI I POLICISË:
Specialistët për Hetimin e Krimeve të Komisariatit të Policisë Nr. 2 arrestuan shtetasin E. P., 29 vjeç, banues në Tiranë, pasi ka ushtruar dhunë ndaj motrës së tij dhe në banesën e tyre ka dëmtuar orenditë e banesës. Gjithashtu, gjatë shoqërimit në komisariat ka dëmtuar kamerën e dhomës së shoqërimit dhe tabelat identifikuese.
