TIRANË– Kryetari i Partisë së Lirisë Ilir Meta ka folur për mediat pas takimit që zhvilloi në selinë blu me liderin e PD, Sali Berisha. Kreu i PL-së u shpreh se është pro protestave të paralajmëruara nga Berisha ndërsa shtoi se mes dy partive opozitare do të ketë një bashkëpunim të frytshëm në sesionin e ri parlamentar në shtator.
Ilir Meta: Do bashkëpunojmë dhe për sezonin e ardhshëm parlamentar. Ju e dini se ne kemi qenë dhe jemi për mbështetje të protestave, të inicuar nga qytetarët, rrugat e protestave është e domosdoshme, ku shoqëria do të shprehë të gjithë atë që ndodh. Vendimi është përshkallëzimi i luftës kundër korrupsionit, vazhdimi për të denoncuar aferën e djegësave që vazhdon cdo ditë.
I pyetur nga gazetarët për rikthimin e Lulzim Bashës në politikë dhe garën e tij për të marrë drejtimin e PD-së zyrtare, Meta nuk preferoi ta komentonte.
Ilir Meta: Besoj se ishte një takim shumë i frytshëm me liderin e PD dhe njëkohësisht uroj që të gjithë demokratët të jenë aty ku duhet në vijën e parë të ballafaqimit me ketë regjim.
