GREQI- Që prej 9 ditësh, ishulli i Rodosit në Greqi ka qenë i përfshirë nga vatra zjarri të cilat kanë shkaktuar dëme të mëdha. Ditën e sotme, Qeveria Greke ka shpallur gjendjen e jashtëzakonshme të shtetit.
Rodos, Kallithea, Ialyssos, Petalouda, Afantou dhe Archangelos, janë 6 zonat të cilat kanë qenë të përfshira prej zjarrit. Vatrat më aktive kanë qenë në përgjithësi në zonën jugore dhe juglindore, të cilat janë të përqendruara kryesisht në zonën e Malonës, Vatios dhe zonën e Gennadit.
