VLORË- Një ngjarje e rëndë ka ndodhur ditën e sotme në Vlorë, ku rreth orës 19:00, një trup i pajetë është gjendur në portin e Vlorës. Policia ka deklaruar se trupi i pajetë i përkiste shtetases M.M, 71 vjeçe, banuese në Vlorë.
Ajo vuante nga shëndeti mendor, dhe nga mbikëqyrja e trupit thuhet të ketë kryer vetëmbytje. Sakaq familjarët e saj ishin paraqitur ditën e sotme në polici të cilët kishin kallëzuar rreth largimit të viktimës nga shtëpia.
Vlorë/Informacion paraprak
Rreth orës 19:00, në zonën e Portit, në ujë është konstatuar e pajetë shtetasja M.M, 71 vjeçe, banuese në Vlorë. Nga kqyrja paraprake nuk janë konstatuar shenja dhune dhe dyshohet se kjo shtetase është vetëmbytur. Për këtë shtetase mëngjesin e sotëm kanë bërë kallzim në Polici, familjarët e saj për largim nga banesa. Shtetasja M.M vuante nga probleme të shëndetit mendor. Grupi hetimor po vijon veprimet për zbardhjen dhe dokumentimin e plotë të këtij rasti.
