Masturbohet përballë një gruaje në plazhin e nudistëve, 46-vjeçari qëllohet për vdekje

Një 46-vjeçar i cili po masturbohej përballë një gruaje në një plazh nudist, u qëllua për vdekje .

Siç raporton Metro, ngjarja ndodhi të shtunën e kaluar brenda Grand Parc de Miribel-Jonage, një zonë e mbrojtur natyrore e pozicionuar në Vaulx-en-Velin, në periferi të qytetit të Lyon, Francë. Në këtë zonë ndodhet një plazh naturist shumë i njohur, sidomos me temperaturat e larta gjatë javëve të fundit.

46-vjeçari i ishte bashkuar nudistëve të shumtë që ishin mbledhur në zonë, por në një moment nisi të masturbonte përballë një gruaje, sikur asgjë të mos kishte ndodhur.

Në atë moment ndërhyri një 76-vjeçar, i cili fillimisht e ftoi që ta sqaronin çështjen jashtë plazhit dhe më pas e qëlloi të paktën tre herë me pushkë gjuetie.

Burri që vrau 46-vjeçarin është një pensionist, vizitor i shpeshtë i plazhit nudist dhe i apasionuar pas gjuetisë. Pushka me të cilën qëlloi mbahej ligjërisht me leje, siç vërtetohet edhe nga hetimet.

Nga tre të shtënat me të cilat mbeti i vrarë 46-vjeçari, njëra e goditi viktimën në gjoks. Me të mbërritur policia në plazh, 76-vjeçari nuk bëri rezistencë.