ITALI– Avokatët e shqiptarit Nikolin Livadi, të arrestuar më 26 nëntor të vitit të kaluar në San Marino kanë paraqitur një kërkesë për lirim të menjëhershëm ose, si alternativë, lirimin me kusht. Ata janë Marco Bosco i Gjykatës së Rimini dhe Antonio Masiello i Gjykatës së San Marinos.
Sipas mediave italiane, në një shënim ata shkruajnë se Livadi, 31-vjeçari i lindur në Shqipëri por me banim në Rimini, është arrestuar në ditëlindjen e tij.
“Ai akuzohet se është pjesë e një grupi subjektesh të dedikuara për vjedhjet në apartamente të ndodhura muajt e fundit në San Marino. Megjithatë, nuk ka asnjë provë apo indicie faji. Kjo ka ndodhur në kundërshtim të plotë të çdo traktati dhe/o konvente duke mos respektuar të gjitha parimet e një shoqërie civile dhe demokratike”.- shrkuajnë ata.
Ata pretendojnë për dëmshpërblim për paraburgimin e padrejtë pasi Livadi nuk ka pranuar autorësinë e krimeve dhe përfshirjen e tij në vjedhje, si dhe nuk rezulton të jetë arrestuar në flagrancë. Ai nuk duket se ka kaluar ndonjëherë kufirin e San Marinos apo është ndaluar për ndonjë shkelje të ligjit më parë.
Në shënimin e gjatë ata pretendojnë se 31-vjeçari po kalonte nëpër Titano, i pritur nga 15 miq nga Coriano në një restorant në Rimini për të darkuar dhe festuar. Ata vazhdojnë të kujtojnë sesi burri ka një histori të pastër në Itali dhe një azilkërkues në Bashkimin Evropian dhe flasin për një “mbikëqyrje magjepsëse” nga autoritetet. Ata përgjigjen pikë për të treguar pistat e fajit që lidhen me praninë e makinës disa herë në zonë, gomat e ndotura me baltë, emrat në celularin e tij të shqiptarëve të tjerë të dyshuar për vjedhje.
Avokati Bosco përfundon duke thënë se “masa e sigurimit burg është joproporcionale dhe nuk mbështetet nga ekzistenca e treguesve të rëndë fajësie” dhe kërkon lirimin , qoftë edhe me kusht, “duke treguar shumën që duhet paguar në formë garancie”.
