POGRADEC– Krim brenda familjes në fshatin Tushemisht të Pogradecit. Raportohet se Denis Harizika, 50 vjeç për motive ende të paqarta ka goditur me thikë vëllanë e tij. Ky i fundit ndodhet në spital nën kujdesin e mjekëve. Autori pas ngjarjes është larguar. Policia bën me dije se po punohet për kapjen e tij.
NJOFTIMI I POLICISË:
Mbrëmjen e sotme, në fshatin Tushemisht, Pogradec, në banesë shtetasi D. H., rreth 50 vjeç, gjatë një konflikti të çastit, dyshohet se ka dëmtuar me mjet prerës (thikë) vëllain e tij shtetasin A. H., 44 vjeç, i cili ndodhet për mjekim në spitalin e Pogradecit. Nga ana e Policisë po vijon puna për kapjen e autorit të dyshuar të ngjarjes shtetasit D. H. Grupi hetimor po punon për sqarimin e plotë të rrethanave të ngjarjes
