TIRANË– Vijon përplasja në Partinë Demokratike zyrtare. Një ditë pasi Këshilli Kombëtar i thirrur nga Gazment Bardhi anuloi procesin për zgjedhjen e Lulzim Bashës si kryetar të PD-së, grupimi që mbështet këtë të fundit nuk kanë hequr dotrë nga procesi i zgjedhjeve që do të mbahen ditën e nesërme. Përmes një reagimi në rrjetet sociale në faqen e PD-së ata kanë shpërndarë pikat se ku do të kryhen votimet në Tiranë dhe në degë të PD-së në rrethe.
POSTIMI:
Të nderuar anëtarë dhe drejtues të Partisë Demokratike në të gjithë Shqipërinë! Nesër më datë 29.07.2023, zhvillohet procesi i zgjedhjeve për Kryetar të PDSH!
Ftojmë të gjithë anëtarët e Partisë Demokratike të marrin pjesë në këtë proces mjaft të rëndësishëm për ringritjen e PD. Qendrat e votimit do të jenë të hapura nga ora 08:00 deri në 19:00. Ju vendosni të ardhmen e PD dhe të ardhmen e Shqipërisë.
