TIRANË– Ish-Sekretari i Përgjithshëm i Partisë Socialiste Damian Gjiknuri nuk ka preferuar të komentojë shkarkimin e tij nga detyra në Asamblenë e PS por i pyetur nga gazetarët nëse ndihet i “braktisur“ nga kryesocialisti Edi Rama, ai u shpreh se jo. Gjatë një konference për mediat bashkë me Sekretarin e ri të Përgjithshëm të selisë rozë Gjiknuri tha se ka komunikim prej 20 vitesh me Ramën. Po ashtu lidhur me përmendjen e emrit të tij në dosjen e inceneratorëve Gjiknuri tha se është i gatshëm të shkojë në SPAK sa herë që të thërritet.
Pyetja–A ndiheni i shitur nga kryetari? A jeni marrë në hetim?
Damian Gjiknuri– Befasia për këtë lajm dhe interesi… unë e thashë që pas cdo procesi zgjedhor i nënshtrohemi një analize. Pa mohuar rezultatet e mira, dhe unë me kontributin tim modest, për mua fundi i dickaje është fillmi. Jeta më ka mësuar të shoh efektet që sillen. Duhet të shohim të mirat e vendimarrjes, unë jam mësuar me akuza, nuk është hera e parë që jam akuzuar, për shkak të personalitetit tim të fortë. Unë jam akuzuar gjithmonë, e keni parë atë të CEZ, unë bashkëpunova me drejtësinë dhe e vërteta doli. Jam akuzuar, por ka vetëm 1 drejtësi që i gjykon dhe i vlerëson këto gjëra, jo thjesht opinioni publik. Ligji dhe organet e drejtësisë do flasin. Nuk ndjej braktisje, jam në komunikim me kryetarin e partisë, prej 20 vitesh, marrëdhënie e qëndrueshme pune. E respektoj vendimmarrjen e tij dhe për mundësite që më ka dhënë në karrierën time. Sa më shumë fuqi administrative aq më shumë do sulmohesh. Për hetimet, nuk më kanë thërritur. Roli i ministrit ka qenë periferik, por nuk do të thotë se ato vepra janë të gabuara, por janë në dobi të publikut. Ato vepra sot në Elbasan.
