TIRANË– Plagosje me armë zjarri në Tiranë. Raportohet se Dritan Kulla, 30 vjeç pas një konflikti për motive të dobëta ka plagoisur me armë gjahu 35-vjeçarin Gentian Nokajn. Pas ngjarjes Kulla është larguar nga vendi i ngjarjes. Po punohet për kapjen e tij. Ndërkohë i plagosuri ndidhet në spital jashtë rrezikut për jetën.
NJOFTIMI I POLICISË:
Plagosi me armë gjahu një shtetas, identifikohet dhe shpallet në kërkim autori i dyshuar. Shërbimet e Komisariatit të Policisë Nr. 4, ditën e sotme, pas marrjes së njoftimit se në vendin e quajtur Varri i Bamit, një shtetas ka plagosur me armë gjahu shtetasin G. N., rreth 35 vjeç, menjëherë kanë organizuar punën për identifikimin e autorit të dyshuar. Si rezultat i veprimeve të shpejta hetimore u bë identifikimi i autorit të ngjarjes, shtetasit D. K., 30 vjeç, i cili gjatë një konflikti për motive të dobëta, ditën e sotme, rreth orës 13:30, ka plagosur me armë gjahu shtetasin G. N. Shtetasi G. N., ndodhet në spital, jashtë rrezikut për jetën. Vijon puna për kapjen e autorit të dyshuar. Materialet do ti kalojnë Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
