DURRËS-Një qytetar kosovar ka rënë në pranga ditën e sotme nga policia, pasi ngacmoi seksualisht dy vajza të mitura në plazhin e Durrësit. Burime zyrtare nga policia bën me dije se 36-vjeçari akuzohet se ka ngacmuar dy 16-vjeçare.
NJOFTIMI I POLICISË
Specialistët për Hetimin e Krimeve të Stacionit të Policisë Plazh arrestuan në flagrance 36-vjeçarin, banues në Kosovë, pasi ka ngacmuar seksualisht 2 shtetase të mitura 16 vjeçe. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
