TIRANË– Deri më tani 44% e anëtarëve të Partisë Demokratike kanë votuar për zgjedhjen e kryetarit të ri në PD-në zyrtare. Këtë e bëri me dije Sekretari për Çështjet Ligjore në PD, Indrit Sefa. Në garë për kreun e PD-së janë Lulzim Basha dhe Gjergji Hani.
Indrit Sefa: Deri në orën 14:00 kanë qenë 11600 votues që përkon me 44% të anëtarëve të PD në atë moment. Procesi ka qenë normal, të rregullt e shumë të qytetëruar. U shprehim falënderimet. Në bazë të vendimit të Kryesisë dhe të rregullores kemi përcaktuar edhe ata që se kanë emrin në listat e përgatitura. Këta anëtarë ia paraqisnin komisionin kartën e anëtarësisë dhe kalohet në një listë të posaçme. Pjesëmarrja brenda pritshmërive, duke pasur në konsideratë dhe periudhën në të cilën zhvillohen këto zgjedhje. Gjatë këtyre dy muajve anëtarët janë kontaktuar nga degët, janë marrë masat dhe demokratët i janë drejtuar sot qendrave të votimit
