TIRANË–“Një fitore të kryetarokracisë“, e ka cilësuar rizgjedhjen e Lulzim Bashës në krye të Partisë Demokratike zyrtare pedagogu dhe analisti politik Shpend Gashi në një prononcim për Newszone.al. Sipas tij këto zgjedhje, ishin të pamoralshme dhe i shërbejnë përçarjes së mëtejshme të PD-së. Me ironi Gashi u shpreh se Basha premton ndryshime me ardhjen e tij në krye të demokratëve të ndarë tashmë por duke përdorur “ingridientët” e njëjtë me ato të mëparshëm. Të ardhmen e PD-së zyrtare analisti politik Shpend Gashi e sheh të zymtë, sipas tij me një anëtarësi të përgjysmuar dhe me orvatjet që po pëson PD nëpër Gjykata, “vula” do e këtë të vështirë përfaqësimin e saj në parlamentaret e vitit 2025. Në fund ai heq një paralele mes Lulzim Bashës dhe Sali Berishës sa i përket mentalitetit politik që tashmë mbizotëron në dy krahët e PD-së.
Shpend Gashi: Është fillimi i krizës pasi jo vetëm që zgjedhjet ishin të kontestuara dhe të pamoralshme por në horizont nuk shihet as dhe një zgjidhje e mundshme reale. Absolutisht që retorika politike e Bashës për mediat do të jetë në kuadrin e një autokritike por vazhdon të jetë infatile për një veprimtari politike të shëndetshme. Praktikisht, zotëria po përpiqet të shesë tezën se me ingridientë të njëjtë të japë rezultate të ndryshme. Nëse ka disa të cilët mund të flasin për ndryshimin e mentalitet , procesi i këtyre zgjedhjeve tregojë që ky mentalitet jo vetëm nuk ka ndryshuar por është versioni më i keq i mentalitetit, të cilën kjo “juntë” mercenarësh e ka proklamuar. E gjithë kjo retorikë nuk i përkon realitetit politik. Praktikisht kemi një parti shtet, e cila po përjeton “termet” të brendshëm nga pesha gravitacionale e pushtetit , kemi një PD jo zyrtare, e cila realisht ka anëtarësi më të madhe të demokratëve dhe peshë elektorale më të madhe. Një parti si PSD-ja, e cila ka pësuar një rritje gjeometrike nga zgjedhjet në zgjedhje dhe pritet që të vazhdojë të jetë parlamentare ndërkaq PD e “vulës” e rrezikon ndjeshëm përfaqësimin e vetë parlamentar në zgjedhjet e ardhshme për disa arsye:
Së pari, Sfumimi i 2/3 të anëtarësisë.
Së dyti, Orvatje ligjore që iu bë për vulën.
Së treti, Përjashtimi i çdo njeriu, çdo politikani, i cili kishte qëndrim ndryshe nga linja e kryetarit, si përfundim fitoi kryetarokracia që prezumohej se do ishte baza e luftës së memtalitetit të ri.
