FIER– Një 63-vjeçare e identifikuar me inicialet L.G është gjetur pa shenja jete në banesën e saj në lagjen “1 Maji” në Patos. Sipas dëshmive të fqinjëve ata janë alarmuar nga era e rëndë që vinte nga banesa e zonjës.
Dyshohet se 63-vjeçarja të ketë disa ditë që ka ndërruar jetë në banesë pasi trupi është drejt dekompozimit. Në vendngjarje kanë shkuar shërbimi zjarrfikës dhe grupi hetimor për të zbardhur ngjarjen.
