FUSHË-KRUJË– Pamjet e mëposhtme tregojnë momentin kur anëtarë të fisit Nikolla në Hamallas godasin brutalisht me shkopinj, sende të forta madje dhe armë zjarri anëtarët e familjes Kaçi pas një sherri që ka nisur prej kohësh mes dy familjeve. Raportohet se një prej anëtarëve të fisit Nikolla, konkretisht Martin Nikolla, është punonjës i Gardës së Republikës dhe pjesë e grupit të shoqërimit të kryetares së Kuvendit Lindita Nikolla. Ky I fundit së bashku me vëllezërit e tij i kanë zënë pritë dhe kanë dhunuar Pjetër Kaçin, 80 vjeç kryefamiljar i familjes Kaçi cili po kalonte në rrugën e lagjes.
Në këtë moment kanë ndërhyrë djemtë e të moshuarit. Por dhe këta të fundit janë zënë ngusht nën goditjet e njëpasnjëshme të shkopave të bejsbollit, sendeve të forta dhe armëve të zjarrit. Në një moment Martin Nikolla ka nxjerrë pistoletën duke ja drejtuar familjes Kaçi e me të ka gjuajtur 5 herë në drejtim te tyre. Mësohet se shkak i sherrit të rëndë që përfundoi me tre të plagosur njëri prej të cilëve rëndë janë konflikte të vazhdueshme për rrugën e lagjes të cilën banoret e kanë shtruar para 10 vitesh me lekët e tyre e disa rrethime të komshinjve që familja Nikolla kërkon t’i heqë pavarësisht se kanë nga 30 vjet që janë. Anëtarët e familjes Nikolli janë shoqëruar në Polici. Po hetohet ngjarja.
