FUSHË-KRUJË– Zbardhen detaje nga ngjarja e rëndë e regjistruar në Hamallaj ku anëtarët e familjes Nikolla dhunuan barbarisht me sende të forta madje dhe qëlluan me armë zjarri ndaj familjes Kaçi. Sipas Policisë janë shoqëëruar në Polici gjashtë persona, njëri prej të cilëve punonjës i Gardës së Republikës dhe pjesë e grupit të shoqërimit të kryetares së Kuvendit Lindita Nikolla. Në disa media raportohet se Martin Nikolla është shoferi i kryeparlamentares por ende nuk ka asgjë të konfirmuar ndërsa vetë Policia sqaron vetëm puzcionin e tij si gardist.
NJOFTIMI I POLICISË:
Rreth orës 11:30, në Hamallaj, dyshohet se për motive pronësie, janë konfliktuar duke përdorur mjete të forta, anëtarët e një familjeje, shtetasit P. K., K. K. dhe S. K., me anëtarët e një familjeje tjetër, shtetasit A. N., P. K. dhe M. N. Gjatë konfliktit dyshohet se shtetasi M. N., punonjës i Gardës, ka qëlluar në ajër, me armën e shërbimit. Nga të shtënat nuk është dëmtuar asnjë person. Shërbimet e Policisë, sapo kanë marrë njoftim, kanë shkuar menjëherë në vendngjarje dhe kanë bërë të mundur shoqërimin e të gjithë personave të përfshirë në konflikt, në Komisariatin e Policisë Durrës. Grupi hetimor vijon punën për zbardhjen dhe dokumentimin e plotë të rrethanave të konfliktit. Në përfundim të veprimeve të para hetimore dhe procedurale, do të ketë njoftim të plotë.
