TIRANË– Deputeti i Partisë Demokratike Ervin Salianji ka pasur një reagim të fortë këtë të dielë sa i përket gjendjes ku ndodhet rendi në vend nisur nga ngjarjet e fundit kriminale që tronditën vendin në 24 orët e fundit. Sipas Salianjit siguria publike është në pikiatë ndërsa akuzon qeverinë se ka dorëzuar sovranitetin tek bandat e krimit të organizuar e që i ka veshur me pushtet politik.
Ervin Salianji: Te fortët e paligjshem bëjnë ligjin! Qeverisë së zgërlaqur në autoritet i ka mbetur vetëm të krekoset si gjeli mbi pleh! Rendi dhe siguria publike në pikiatë! Vrasje, dhunë, krim, drogë, vjedhje, pasiguri në çdo cep të territorrit! Kjo qeveri që e ka dorëzuar sovraniterin tek bandat e krimit të organizuar e që i ka veshur me pushtet politik kriminelët dhe që ndan me ta gjithçka përfshirë dhe emerimet në polici, është e pafuqishme të kontrollojë territorrin dhe është shkaktarja e situatës! Policia e politizuar po politizohet dhe më tej ndërkohë që themeli i problemit është përdorimi i saj si strukturë për mbledhjen e votave për PS!
