TIRANË– Gazetari Gert Çarçani tregoi në emisionin “Stay Tuned” me moderatoren Valbona Mhilli se edhe pse shumë pak njerëz mund ta besojnë duke qenë se ai është një gazetar sporti ai ndjek së paku 1 edicion informativ në ditë dhe se po ashtu është spektator i rregullt dhe i formateve politike dhe se këtë gjë e bën për grishje profesionale. Më tej Çarçani tha se Parlamenti shqiptar është kthyer në një spektakël më vete, ndonëse me nuanca karagjozllëku, por që çdokush mund të shpenzojë kohe dhe të mësojë karakteret e ca njerëzve, të deputetëve në këtë rast, por parë në një këndvështrim tjetër.
“Unë bëj sport prej shumë vitesh, askush nuk mund ta besojë, por jam konsumues i rregullt, i minimalisht 1, i maksimalisht 2 edicioneve informative çdo dite, po kështu dhe formatet politike, aty ku ngec. Askush nuk mund ta besojë, mund të thotë ky moderon sport, është gazetar sportiv por unë realisht i ndjek për shumë arsye dhe profesionale. Konsumoj dhe një edicion informativ, nuk pretendoj gjithmonë në MCN TV, por edhe këtu e ndjek, se e ndjek dhe nga regjia dhe në studio. Është pak por e vërtetë. Është grishje profesionale. Një të enjte që kisha dy ndeshje dhe do shkonim të prezantonim nga Elbasani, atë ditë ka pasur një seancë spektakolare Parlamenti. Dhe ajo ishte një diçka për ta shijuar free. Paraditja ka pasur seancë spektakolare, siç është bërë dhe Parlamenti një spektakël me vete, shpeshherë me nuanca karagjozllëku. Është shndërruar në një Portokalli me vete, mund të shpenzosh ca kohë të fillosh të mësosh karakteret e ca njerëzve, të deputetëve në rastin konkret, por parë në një anë tjetër e tyre”.
I pyetur nga moderatorja Valbona Mhilli si është Gert Çarçani moderatori tha:
“Gert Çarçani si baba është spektakolar. Shumë i rregullt. Në kohën e mjaftueshme ia dedikoj Nikolës, vajzës, është shumë e lidhur pas meje, sikundër dhe ti që ke qenë e lidhur me babain. Jam i lidhur me gocën, sa vjen e rritet fillojnë dhe ndryshojnë gjërat ndryshon historia. Do desha që vajza, fëmijët të ndryshojnë të vegjël. Por ky është cikli i jetës. Ndryshojnë gjërat, ka dhe momente nervash, por si baba (si çdo njeri, koleg) mundohem, përpiqem t’i jap kohën dhe të bëj maksimumin për fëmijën”.
